Die Bühne ist mit Hinweisschildern zu den Obertauern- Liften dekoriert. Schifahrer eilen auf der Bühne hektisch hin und her. Sepp und Hias, 2 Schifahrer aus früherer Zeit beobachten kopfschüttelnd das Geschehen. (einer raucht, der andere jausnet)

Zuageh tuat`s, kamb is dös erschte Schneel da, nocha werdn s` ganz damisch die Schifoahra.

Gfalln tuats eah halt so sovleng guat ba ins am Tauern.

Insare Leit werdn ganz damisch, dia hamb nocha neamma viel Zeit untaranond, weil da geht`s rund. Sei(n) tuats fast a so, wia wanns wo mit an Schalter umgschaltn hättn:

Wintersaison am Tauern.

Lied von Ambros: Schifoahn

Verschiedene Schifahrer fragen jetzt den Sepp:

Sagen Sie mal Alter, sind wir hier richtig zur Linzer Alm?

Wo es so richtig abgeht.

Se moanan   woahrscheinlich die Lürzer Alm.

Ja, ik nehme an Lüzeralm, dort wo sich’s so richtig tut, ramba – zamba.

Da is ja der Bär los und fesche Mentscha tonzn umandum ,

is eh glei da ummi, a kloans Trumm.

Er meint gleich da schreags ein kleines Stückchen hinüber,

über diesen Mugel beziehungsweis Hügel drüber.

Danke, danke, tschüss!

Hello, please can you tell me the way to Lürzeralm

Do you know nightlife and so on?

We are coming from Hochalm and Edelweißhütte.

Freili, freili, woaß i scho, i siach`s a scho, i riach`s sogoar (riecht Alkohol).

Na, en Gspoaß baseitn.

Yes, yes – yes, in dera Richtung miassn s` geh, ok?

By e, bye, the night will be sicher wundersche.

Lied: Weißpriacher Schilied (Das Schifoahn ist der schönste Sport)

Fragn tua i mi ba manche Leit woi , wann se eigentlich zan Schifoahrn kemman,

wann s` allwei(l) glei en Einkehrschwung nemman.

Va oana Schirmbar za der ondern, Hochalm, Edlweißhüttn, holodrio,

nacha geht `s amoi zwischndurch mit woache Knia bergo,

wieder a netla Bars in Saus und Braus,

auf d`Nacht   in d`Lürzeralm – bist du gscheit, dös haltst nit aus.

I moa, hiatz schau selm no a wenk in d`Lürzeralm hi

weil`s goar so gut sei(n) soit , dös Apres-Ski

Ja, ja, der Winter, der is ma nit z`wida,

dös sag i allwei(l) wieder.