FLöTE

I hob für di do hiatz an Korb an laan,

hoamtrogn tuast du donn sicha gonz an schwan.

Ois erstas mia dia an Terminkalender gebn,

damitst a in da Pension ordnen konnst dei Leben.

Am Vormittog scho joggn geh – des is fein,

fürn Musklkota danoch – an Franzbranntwein.

A Kochheftl is hiatz a gonz wichtig,

wei nochn joggn muasst die ernährn richtig!

Für Wäsch woschn is in da Pension nit vü Zeit,

drum hom mia a Kochschürzn mit, dass Gwond sauba bleibt.

Damit si dei Sepperl nochn oabatn recht gfreit,

konnst eam mit de Keksausstecher vasiaßn de stille Weihnachtszeit.

Oba nit nur Joggen, sondan  a Radl foan tuast gern,

bittsche montier de Glockn, dass di a jeda tuat fria gnuag hean.

Dass’d vor lauter Freizeitstress aufs Putzn vagisst nit,

hom mia für di a Paal Putzhandschuach mit.

Des nächste is no a gonz a neis Beserl,

Dass’d  jo nirgends übasiagst a Breserl.

Mia tan nit kena deine Pläne für die nächstn poa Joahr,

oba dass du nit vü dahom sei weast, des is uns kloa.

Damit du a jederzeit bist mobil,

mit dem Postbusplan erreichst du a jedes Ziel.

Ins Theater noch Soizburg foast du sicha gern,

do host a poa Toschntiacha, fois  wird zum rean.

Den Poista konnst ins Theater mit nemma,

wei es ko sei, dass dei Mo z’Schlof tuat kemma.

Nimm mit ins Theater für dein Mo de Deckn,

oba tuan beim Zuadeckn jo nit aufweckn!

Den Fiaßwärmer kunnst a no her nemma für d’Händ,

wonn in Sepp donn no ofongan zun Klappern de Zänd.

Doch dass eich nit nur äußerlich wird woam,

hob i für eich an Schnops mit, an kloarn!

Dass du gern wondan gehst wissn mia oi,

do host a Wondakortn, dass’d findst an jedn Wossafoi.

Mit unsan nächstn Geschenk konnst beim Wondan dein Kopf schützn guat,

setz des Kapperl auf, wonn de Sunn obabrenna tuat!

Oba nit nua da Kopf, sondan a de Fiaß sand gonz wichtig,

drum hob i do Sockn, de sand fürs Wondan grod richtig!

A Softfloschn und a Jausndosn deafn natürlich a nit fön,

wonn du di muasst am Berg aufiquön!

An Müsli-Riegel – den deafst vagessn nia,

wei den brauchst zur Stärkung – wonn woach wean de Knia.

Und wonnst voa lauta Onstrengung scho de Sterndal siachst blinken,

donn hüft nua mehr oas: du muasst den Energy Drink trinken!

Dand dir noch de longen Wonderungen de Fiaß recht zwickn,

konnst da de Blosnpflasterl drauf pickn.

Wonnst donn am Tauern om ois scho zum fünftn Moi tuast umrundn,

is gscheida du versuachst mit  dera Koartn de gonze Wöt zu erkundn.

A Sonnencreme mia dia hiatz a no gebn,

damit du deine Reisn ohne Sonnenbrond konnst erlebn.

Wonn bei de gonzn Hobbies oiwei no bleibt a Zeit,

donn konnst mit de Spükoartn a Kortnrunde eröffnen mit a poa Leit.

Hot zum Koatnspün amoi richtig koana dawei,

konnst mit de Nodln dein Mo strickn a Woihäiwei.

Soit wean aus den Häiwei nit goa so wos Gscheits,

donn bstöst eam hoit aus dem Katalog a Zweits.

Mia homb uns denkt lesen wa eigentlich a gonz a guada Zeitvatreib,

in so an Buach konnst vü dafrogn üba oft gonz sötsome Leit.

Oba wichtig wa hiatz in da Pension, dass di endlich amoi entsponnst,

mia hoffen, dass du des mit de guadn Bodeperln a konnst.

Und tuat da irgendwonn vo deine gonzn Aktivitäten amoi wos weh,

donn trink und genieß den „Willi Dungl – Wohlfühl Tee“!

Am Obnd zündst da don de guade Duftlompn o,

damit da Freizeitstress am nächstn Tog wieda weida geh ko.

Und dass du uns oi vagisst nit,

hom mia hiatz für di no a Erinnerungsalbum mit!

Mia Kindagärtnerinnen und Lehrer homb bis zum Schluss woartn miassn,

tua ins bittsche des wos do drei is schean giaßn.

Das`d dahoam allweil tuast auf ins denkn,

mechtn mia dir hiatz no den Bam_Gutschein schenkn.

weiter .....Elternbeitrag