Untertauern, im Wandel der Jahreszeiten

Griaß enk Gott all` mitanonda!

I bin der Xanda , a waschechter Untertaurer

und mecht enk gern insa Derfi im Lauf der Joahreszeitn vorstelln:

ogfangt mitn Summa, übern Herist und Winter, ummi bis ins Fruahjoahr.

Oans is für mi aber hiatz scho gwiß,

dass Untertauern za jeder Joahreszeit der schönste Fleck im Pongau is.

Soit ebba goar oana andrer Moaneng sei(n),

dem wird`s nach insan  kloan Theaterstücke a geh ei(n),

sunst kriagt er`s schneidig z`toa mit mir,

schaut`s mi o, wia stoach i bin, oder wia?

Summa hom ma hiatz, mit dem fang ma o,

ba insre Bauern i `s Mahn und Heign dro.

Lied: In der Fruah … i schwing hi, i schwing her …)Die Kinder als Knechte und Mägde rechen fleißig das Heu.

Kemmts her, Gust, Bertl, Sepp, Hilda, Gretl, Lisi, heigts docha van Zau(n),

teats weida, miaß ma husig dazuaschau(n),

der Trakei mitn Ladewagn kimmt scho bald daher,

schleinig, schleinig, sunst hom mas Gscher.

Frei so hoaß is heit Hilda, i muaß ondla schwitzn.

Recht gschiacht`s dir Sepp, dös hast va dein gestrign Blitzn.

Na schauts da her, wia`s in insan Hei ausschaut,

da hambs ins scho wieder an Haufn Golfballei eichag`haut.

Geh Gretl, was redst denn für an Schmoarrn,

Golfballei, Golfplatz - mia hamb ja koan.

Hans schau her, da siagst es selba, es is nit dalogn,

sand´s ebba van Stadtl eichagflogn?

I sag enk oa(n)s, dia Golfbälle sand goar nit schlecht,

weil da wird`s Hei viel gschwinder   truckn, echt.

So, zsammg`heigt is, s`erschte Fuada werd bald zuichigführt,

wia ebba mei bravs Kuahl, die Glück, aufs Hei mit Golfballei reagiert?

Und was ebba insa Buagamoaster za dia Golfballei moa(n)t,

weil ba eahm ja eh scho a Golfschläger im Büro drei loah(n)t.

Kemmts, da ent miaß ma a no ochaheign, dös Roa,