Ich grüaß die Damen und die Herrn,

mia zoagn euch den neuen Kindagoatn gern.

Es is a Haufen Arbeit g’wen,

bis alls besprochen war und g’schehn.

Da Kindagoatn war oanfach scho vü z’kloan

Und a die Gemeindestubn, do muaß ma wos toan.

Mia gfrein ins a recht, long hob’n ma gwoat,

auf an Bürgermeister aus unsan Ort.

Bauer und Hotelier is er a no nebnzua,

i moa, der gibt jo Tog und Nocht koa Ruah.

Er is so narrisch engagiert,

dass eahm die Gemeindestub’n vü z’eng scho wird.

Obwohl, a wenk mehr Plotz hätt er hiatz schon,

weil er hot tüchtig fosten und sportln ton,

und weil er so vü Gwicht vloarn,

is die Gemeindestub’n eh wieda um a Trumm grössa woardn.

Oba hiatz is’ zspat, da Bau fongt on,

sie inginiern und messn scho.

A Kindergoartn kost an Haufen Geld,

und er is wichtig auf da Welt.

Wia zuag’sogt is die Subvention,

kommt’s bald zur Bauverhandlung schon.

Die Handwerksmoaster kemman schau’n

und fangen nacha an zu bau’n.

Die Maurer und der Zimmermann,

der Dachdecker kimmt a dann dran,

Elektriker, Installateur,

der Tischler bringt die Möbel her.

Hiatz is alls fertig und is schön,

ihr kennts donn olle in Kindergoartn gehen.